Khabar Samachar

आईसीसी विश्वकप लिग २ : पीएनजी ४ विकेटले पराजित

208
VIEWS

 

आईसीसी विश्वकप लिग २ त्रिकोणात्मक सिरिज अन्तर्गत युएई भ्रमणमा रहेको नेपाली राष्ट्रिय क्रिकेट टोलीले पपुवा न्यु गिनीविरुद्ध ४ विकेटको जित निकालेको छ। लिग टुमा नेपालको यो लगातार पाँचौं जित हो । यसअघि घरेलु मैदानमा भएको स्कटल्याण्ड र नामिबियासहितको शृंखलामा नेपालले सबै चार खेल जितेको थियो ।

जितपछि नेपालले २९ खेलबाट २८ अंक जोडेको छ । छैटौं स्थानमा रहेको नेपाल पाँचौं स्थानको युएई भन्दा १ अंकले पछि छ । नेपालले अब शृंखलामा दोस्रो खेल बिहीबार युएईसँग नै खेल्नेछ ।

पपुवा न्युगिनीसँगके खेलमा ओपनर कुशल भुर्तेलले अर्धशतक प्रहार गरेपछि दुबईमा २०४ रनको लक्ष्य नेपालले ४५.२ ओभर खेल्दै ६ विकेट गुमाएर २०७ रन बनाउँदै पूरा गर्‍यो । कुशल भुर्तेलले ६९ बल खेल्दै ५ चौका मद्दतमा सर्वाधिक ५६ रन बनाए ।

पीएनजीले दिएको २०४ रनको लक्ष्य नेपालले  ४२.२ ओभरमा ६ विकेटको क्षतिमा भेट्टायो।

पहिलो विकेटका लागि ओपनर कुशल भुर्तेल र आशिफ शेखले ७६ रनको साझेदारी गर्दै उत्कृष्ट सुरुवात दिलाएका दिलाएका थिए।

३९ बलको सामना गरेका आशिफले ५ चौका हान्दै ४४ रनमा रनआउट भए।

 

कुशल भुर्तेल ५६ रन बनाउँदा क्याच आउट भए। ६९ बलमा कुशलले ५ चौका हाने। ज्ञानेन्द्र मल्ल ४ रनमा बोल्ड आउट भए। आरिफ शेख ३८ र कप्तान रोहित पौडेल २० रनमा पवेलियन फर्के। दिपेन्द्र सिंह ऐरिले १८ रन थपे।

पीएनजीका असद भालाले ३ विकेट लिए। कुशल मल्ल १२ र सोमपाल कामी ५ रनमा नटआउट रहे।

त्यसअघि दुवईको इन्टरनेशनल क्रिकेट स्टेडियममा नेपालले टस जितेर फिल्डिङ रोजेपछि ब्याटिङ गरेको पीएनजीले निर्धारित ५० ओभरमा ९ विकेटको क्षतिमा २०३ रनको योगफल तयार पारेको थियो।

नेपालका लागि गुल्शन झाले सर्वाधिक ३ विकेट लिए । ९ ओभर बलिङ गरेका उनले २८ रन खर्चिए ।

कुशल मल्लले ८ ओभर बलिङ गर्दै ४३ रन खर्चेर २ विकेट लिए ।

सोमपाल कामी, करण केसी र डेब्युटान्ट प्रतिश जिसीले समान १ विकेट लिए ।

सोमपालले ६ ओभरमा १ मेडन राख्दै १७ रन मात्र खर्चिए । करणले ९ ओभरमा २ मेडन राख्दै ३० रन खर्चिए । नेपाली बलरहरुमध्ये केही महँगा बनेका प्रतिशले पहिलो खेलमा ६ ओभर बलिङ गर्दा ३७ रन खर्चिए ।

पीएनजीका लागि कप्तान असाद भाला र चाड सोपरले समा ३६ रन बनाए। सेसे बाउ ३१ रनमा पवेलियन फर्के। किप्लीन डोरिगाले २९ र नोरमान भाउवाले २५ रन थपे। अन्य ब्याटरले दोहोरो अंकको स्कोर छुन सकेनन्।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित