एमालेले जितेका काठमाडौंका पालिकामा माओवादी र एकीकृत समाजवादीको दाबी

205
VIEWS

सत्ता गठबन्धनमा नेकपा माओवादी केन्द्र र एकीकृत समाजवादीले नेकपा एमालेले प्रमुख जितेको काठमाडौंको स्थानीय तह आफूहरुलाई चाहिने दाबी गरेका छन् ।

२०७४ सालको स्थानीय तहको निर्वाचनमा काठमाडौंका १० स्थानीय तहमध्ये काठमाडौं महानगरपालिकासहित सातवटामा नेकपा एमालेले प्रमुख पद जितेको थियो । बाँकी तीन वटाको प्रमुख भने नेपाली कांग्रेसले जितेको थियो ।

नेकपा एकीकृत समाजवादीका नेता जीवनराम श्रेष्ठ काठमाडौं महानगरपालिका, शंखरापुर, चन्द्रागिरि, कीर्तिपुर, तारकेश्वर, कागेश्वरी मनोहरा र टोखामा आफूहरुको दाबी रहेको बताउँछन् । यद्यपि आफूहरुलाई पोखरा महानगरपालिकाको नेतृत्व दिएमा काठमाडौं महानगरपालिका छाड्न सकिने उनको भनाइ छ ।

नेकपा एमाले विभाजित हुँदा कागेश्वरी–मनोहराका मेयर र शंखरापुरका उपमेयर एकीकृत समाजवादीतिर लागेका थिए । ‘यहाँ सांगठानिक हिसाबले हाम्रो राम्रै छ’, श्रेष्ठ भन्छन्, ‘हिजो एमालेमा रहेका राम्रा साथीहरु यतै छन् ।’

नेकपा माओवादी केन्द्रका जिल्ला इन्चार्ज हिमाल शर्मा काठमाडौं महानगरपालिकाको उपमेयर र शंखरापुर, कीर्तिपुर, चन्द्रागिरि, तारकेश्वर र टोखा नगरपालिकाको मेयर आफूहरुको दावी रहेको बताउँछन् ।

२०७४ सालको निर्वाचनमा एमालेले काठमाडौं महानगरपालिका, बुढानीलकण्ठ, शंखरापुर, कीर्तिपुर, तारकेश्वर, कागेश्वरी–मनोहरा र टोखा नगरपालिकाको प्रमुख जितेको थियो । नेपाली कांग्रेसले दक्षिणकाली, चन्द्रागिरि र गोकर्णेश्वर नगरपालिकाको प्रमुख जितेको थियो ।

माओवादी केन्द्रले भने १० पालिकामध्ये चन्द्रागिरी नगरपालिकाको वडा नम्बर ८ र शंखरापुर नगरपालिका वडा नम्बर ३ को वडाध्यक्ष मात्रै जितेको थियो ।

माओवादी नेता शर्मा २०७४ को चुनावको नतिजालाई आधार मान्न नमिल्ने बताउँछन् । ‘२०७४ भन्दा हाम्रो पार्टी यसपटक धेरै नै सम्हालिएर आएको अवस्था हो,’ शर्माले भने, ‘२०७४ मा हामी अन्धाधुन्ध चुनावमा गएका थियौं । अहिले हामीले महाधिवेशन गरेर वडा तहदेखिनै राम्रो संगठन बनाएका हौं । सम्मानजनक रुपमा तालमेल हुनुपर्छ ।’

यो खबर पढेर तपाईलाई कस्तो महसुस भयो ?
शेयर गर्नुहोस:
Share on facebook
Share on twitter
Share on linkedin
Share on whatsapp
Share on pinterest
Share on telegram
Share on email
Share on pinterest
Share on reddit
Share on skype
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित