नेपाली सेनाले फूलपातीको अवसरमा सैनिक मञ्च टुँडिखेलमा फूलपाती बढाइँ प्रदर्शन गरेको छ ।उक्त कार्यक्रममा राष्ट्रपति

उक्त कार्यक्रममा राष्ट्रपति विद्यादेवी भण्डारी सहभागी भएकी छन्।

नेपाली सेनाकी परमाधिपति समेत रहेकी राष्ट्रपति विद्यादेवी भण्डारीको विशेष उपस्थितिमा सेनाले फूलपाँती बढाइँ प्रस्तुत गरेको हो । सो समारोहमा सैनिक हेलिकप्टरबाट पुष्पवृष्टि गरिएको थियो भने सैनिक कौशलको प्रदर्शन समेत गरिएको थियो ।

यस्तै समारोहमा सैनिक हेलिकप्टरबाट पुष्पवृष्टि गरिनुका साथै राइफल र तोपबाट लहरे एवं एकठ्ठा बढाइँ गरियो । त्यस अवसरमा इज्जत अर्पण कवाज, विभिन्न गुल्मद्वारा बढाइँ, मार्चपाससहितको बढाइँ र सैनिक ब्याण्डबाट मालश्री र दुर्गा स्त्रोत्रका धुन प्रस्तुत भयो ।

उपराष्ट्रपति नन्दबहादुर पुन, प्रधानमन्त्री शेरबहादुर देउवा, प्रधानन्यायाधीश चोलेन्द्रशम्सेर राणा, सभामुख अग्निप्रसाद सापकोटा र राष्ट्रियसभा अध्यक्ष गणेशप्रसाद तिमिल्सिना समारोहमा सहभागी थिए ।

यस्तै मन्त्रीहरु, सवैधानिक निकायका प्रमुख, नेपाल सरकारका उच्च पदस्थ अधिकृत, सुरक्षा निकायका प्रमुख, समाजका विभिन्न क्षेत्रका व्‍यक्तिहरु समारोहमा उपस्थित थिए ।

उक्त कार्यक्रममा विभिन्न खालका प्रस्तुति भएका छन्। कोरोना भाइरसको महामारीका कारण अघिल्लो वर्ष यो कार्यक्रम रोकिएको थियो। सेनाले सानो कार्यक्रम गरी बढाइँ सकाएको थियो।

प्रतिक्रिया

सम्बन्धित खवर

ताजा समाचार

लोकप्रिय