टी-२० विश्वकपमा ओमानले सानदार सुरूवात गरेको छ। आइतबार भएको खेलमा घरेलु टिम ओमानले पपुवा न्युगिनी (पिएनजी) माथि १० विकेटको फराकिलो जित हात पारेको हो।

ओमान क्रिकेट एकेडेमी ग्राउण्डमा पपुवा न्यूगिनीले दिएको १३० रनको लक्ष्य घरेलु टोलीले मात्र १३.४ ओभरमा विकेट नगुमाई भेट्टायो । उसका लागि जितेन्दर सिंहले अविजित ७३ रन बनाउँदा अकिब इलियास ५० रनमा नटआउट रहे ।

यसअघि टस हारेर ब्याटिङको निम्तो पाएको पपुवा न्यूगिनीले २० ओभरमा ९ विकेट गुमाएर १२९ रन बनाएको थियो । खराव सुरुवात गरेको पपुवा न्यूगिनीका दुबै ओपनर शुन्यमै आउट भएका थिए । तेस्रो विकेटका लागि असद भाला र कालोर्स अमिनीले ८१ रनको साझेदारी गर्दै पारी सम्हाल्ने प्रयास गरे । अमिनी ३७ रनमा आउट भए ।

थप २१ रन जोड्दा भाला व्यक्तिगत ५६ रन बनाएर आउट भएपछि पपुवा न्यूगिनीको पारी धरासायी भयो । सेसे बाउ १३ रनमा आउट भए भने अरुले दोहोरो अंक नै जोड्न सकेनन् ।

भ्रमणकारी टोलीलाई सस्तैमा समेट्ने क्रममा ओमानका जिसन मक्सुदले २० रन खर्चिएर ४ विकेट लिए भने बिलाल खान र कमिलउल्लाहले समान २/२ विकेट हात पारे ।

प्रतिक्रिया

सम्बन्धित खवर

ताजा समाचार

लोकप्रिय