सुदूरपश्चिम सरकारले प्रदेश विपद् व्यवस्थापन कोषमा २५ करोड जम्मा गर्ने निर्णय गरेको छ।

मंगलबार साँझ मुख्यमन्त्री त्रिलोचन भट्टले बोलाएको आकस्मिक बैठकबाट दुइटा निर्णय भएको प्रदेश सरकारका प्रवक्ता तथा आन्तरिक मामिला तथा कानुन मन्त्री पूर्णा जोशीले बताइन्।

उनले प्रदेश सरकारको प्रदेश विपद् व्यवस्थापन कोषमा २५ करोड रुपैयाँ उपलब्ध गराउने निर्णय भएको जानकारी दिइन्।
यस्तै ९ वटै जिल्लालाई तत्कालका लागि २५ लाखका दरले बजेट दिने निर्णय भएको बताइन्।

जसबाट प्रत्येक जिल्लामा प्रहरी र सशस्त्र प्रहरीलाई ५/५ लाख रुपैयाँ र नौ वटै जिल्ला प्रशासनलाई १५/१५ लाख रुपैयाँ रकम दिइने निर्णय भएको उनले बताइन्।

‘त्यो रकम अहिलेको तत्कालको लागि हो । क्षतिको यकिन विवरण आए हामी थप राहत उपलब्ध गराउँदै’ मन्त्री जोशीले भनिन्, ‘अहिले प्रदेशमा सङ्कट आएको छ त्यसको व्यवस्थापन हाम्रो मुख्य योजना हो । ’

प्रदेश सरकारले प्रदेश विपद् व्यवस्थापन कोषमा २५ करोड उपलब्ध गराउने निर्णय भएको छ । प्रदेशको सबै जनशक्ति विपद् व्यवस्थापन, उद्धार र राहतमा लाग्न समेत सर्कुलर गरिने उनले बताइन् ।

शनिबार रातिदेखि परेको वर्षाका कारण प्रदेशका विभिन्न स्थानमा मानवीय तथा भौतिक क्षति पुगेको छ। पहिरोमा परि प्रदेशको डोटीमा दुई जना र डडेल्धुरामा एक जनाको मृत्यु भएको छ।

सुदूरपश्चिम प्रदेश सरकारले तत्कालको लागि बाढी प्रभावित सुदूरपश्चिमका सबै जिल्लाहरूमा २५ लाख रुपैयाँ उपलब्ध गराउने भएको छ ।

 

प्रतिक्रिया

सम्बन्धित खवर

ताजा समाचार

लोकप्रिय