नेपाली कांग्रेसका सभापति शेरबहादुर देउवाले पार्टीका मन्त्रीहरुसँग छलफल गरेका छन् ।
देउवाले पार्टीका तर्फबाट संघीय सरकारमा सहभागी भएका मन्त्रीहरूलाई निवास बुढानीलकण्ठ बोलाएर छलफल गरेका छन्।
सभापति देउवाले मन्त्रीहरूसँग समसामयिक राजनीति, संक्रमणकालीन न्यायसम्बन्धी विषय, रास्ट्रिय सभा अध्यक्षको चुनाव र मन्त्रिपरिषद पुनर्गठनका सन्दर्भमा छलफल गरेका हुन्।
सभापति देउवाले आइतबार अपराह्न ३ बजेदेखि पौने ७ बजेसम्म मन्त्रीहरूसँग छलफल गरेका थिए।
प्रधानमन्त्री पुष्पकमल दाहाल ‘प्रचण्ड’ ले मन्त्रिपरिषद पुनर्गठन गर्न चाहेको देउवाले ब्रिफिङ गरेका थिए।
सभापति देउवाले प्रधानमन्त्रीको दबाबका कारण मन्त्रिपरिषद पुनर्गठन हुन सक्ने र त्यसका लागि तयार रहन पनि आग्रह गरेका थिए।
‘यो गठबन्धन सरकार हो, मेरो मात्रै होइन, प्रधानमन्त्रीजीको पनि मन जित्ने गरी काम गर्नुहोस्,’ सभापति देउवाको भनाइ थियो।
कांग्रेसबाट मन्त्री भएका ९ जनामध्ये युवा तथा खेलकुद मन्त्री डिगबहादुर लिम्बू बूढानीलकण्ठ गएका थिएनन्। छलफलमा खेलकुदमन्त्री डिगबहादुर लिम्बु भने अनुपस्थित थिए ।
मन्त्रीहरूसँग सभापति देउवा, नेता कृष्णप्रसाद सिटौला र प्रमुख सचेतक रमेश लेखकले छलफल गरेको स्रोतको भनाइ छ।
Discussion about this post