सत्ता गठबन्धनमा रहेको पाँच दलबीच मंगलबार नयाँ सहमति भएको छ। राष्ट्रिय सभा अध्यक्ष निर्वाचनको पूर्वसन्ध्यामा नेकपा (एमाले), माओवादी केन्द्र, राष्ट्रिय स्वतन्त्र पार्टी, जनता समाजवादी पार्टी र एकीकृत समाजवादीबीच सात बुँदे सहमति भएको हो। अहिले राष्ट्रिय सभाको उपाध्यक्षमा नेकपा माओवादी केन्द्रकी उर्मिला अर्याल छिन्।

फागुन २१ मा राष्ट्रिय सभाको अध्यक्ष माओवादी केन्द्रले र उपाध्यक्ष एमालेले लिने सहमति सत्ता गठबन्धनमा भएको थियो।