राष्ट्रिय स्वतन्त्र पार्टीकी सांसद सोबिता गौतमले प्रधानमन्त्री केपी शर्मा ओली सहभागी भएको स्पेनको कार्यक्रमको बहानामा गएका मानिसहरू नफर्किएको बताएकी छन्।

प्रतिनिधि सभाको मंगलबारको बैठकमा बोल्दै उनले भनिन्, ‘सम्माननीय प्रधानमन्त्री जानुभएको स्पेनको कार्यक्रममा समेत केही मानिसहरू कार्यक्रममा सहभागी हुने बहाना गरेर नफर्किएको भन्नेलगायतका समाचारहरू पनि आइरहेका छन्। व्यक्ति विशेष कसैप्रति पनि हाम्रो आरोप छैन तर यो विषय गम्भीर हो।’

प्रधानमन्त्री ओली सहभागी स्पेनको कार्यक्रम जाने बहानामा को-को गएका थिए र उनीहरू को-को स्वदेश फर्किएनन् भन्ने थप विवरण भने उनले खुलाएकी थिइनन्।

प्रधानमन्त्री ओली असार १४ गते स्पेन भ्रमणमा गएका थिए।