नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले सरकार अब धेरै अगाडि नजाने दाबी गरेका छन्।
बिहीबारदेखि पुनः सुरू हुन लागेको हुलाकी राजमार्ग केन्द्रित तराई-मधेस जागरण अभियानका लागि बुधबार बारा पुगेका प्रचण्डले सिमरामा आयोजित सभालाई सम्बोधन गर्दै प्रचण्डले सरकार धेरै अगाडि नजाने दाबी गरेका हुन्।
‘सबै राम्रो काम हुँदै गर्दा दलाल र बिचौलियाहरुले अनेक षड्यन्त्र गरेर मेरो नेतृत्वको सरकार ढाले र यो सरकार बनाए । तर, त्यो टिक्ने र चल्ने वाला छैन,’ उनले भने, ‘अप्राकृतिक तरिकाले जन्मेको सरकार भएकाले धेरै अगाडि जाने वाला छैन । यसले राष्ट्र र जनताको पक्षमा काम गर्न पनि सक्दैन ।’
अध्यक्ष प्रचण्डले अहिलेको सरकार भ्रष्टाचारीलाई बचाउन बनेको सरकार भएकाले यसले सुशासनको पक्षमा काम गर्न सम्भव नहुने दाबी गरे।
Discussion about this post