नेकपा माओवादी केन्द्रले ४१ सदस्यीय स्थायी समिति बनाउने भएको छ । अध्यक्ष पुष्पकमल दाहाल प्रचण्डले १५ पूर्व स्थायी कमिटी सदस्यतालाई निरन्तरता दिने बताए । बाँकीको नाम भने २/३ दिनमा टुंगो लगाएर सर्कुलर पठाउने उनले बताए ।

त्यस्तै नेकपा माओवादी केन्द्रको पोलिटब्यूरो सदस्यको संख्या १५६ हुने भएको छ। ‘१५ जना स्थायी कमिटी सदस्यको टुंगो लागिसकेको छ। अन्य बाँकी पनि लाग्छन्,’ उनले भने, ‘अध्यक्षले केही दिनभित्रमा नै पदाधिकारीको पनि टुंगो लगाउनुहुन्छ।’

उनले पदाधिकारीको टुंगो लगाउने अधिकार अध्यक्षलाई केन्द्रीय कमिटीले दिएको भन्दै त्यसमा पूर्व स्थायी कमिटीका सदस्यहरुले पनि सहयोग गर्ने बताए।

‘केन्द्रीय कमिटीले पूर्णता पाउन नै ढिलाइ भएको थियो। अहिले यो सबै काम सकिएको छ,’ उनले भने, ‘अब स्वभाविक रुपमा नै पदाधिकारीको पनि निर्णय हुन्छ।’