सिन्धुपाल्चोक जिल्लाको घुम्थाङ, धाप, नाकाते, र आसपास ठूलो वर्षा भएको छ।

यस क्षेत्रमा पछिल्लो तीनदेखि छ घण्टा ठूलो वर्षा मापन गरिएको भन्दै जल तथा मौसम विज्ञान विभागले जिल्लाको मेलम्ची, बलेफी र अन्य साना खोलामा आकस्मिक बाढीको चेतावनी दिएको छ।

खोला निकै बढेको चनौटेका बलचित खड्काले जानकारी दिएका छन्। तालामाराङ्का स्थानीय बाढीका कारण बाहिर बसेका स्थानीय योगबहादुर  अर्यालले बताए।

त्यस्तै, मेलम्ची नगरपालिका–२ निबु गाउँमा गएराति पहिरो गएको छ। राति १०:१५ बजे गएको पहिराले भोटेचौर–काउले सडक बन्द भएको छ। त्यस्तै, केही घर जोखिममा परेको इलाका प्रहरी कार्यालय (मेलम्ची) ले जनाएको छ। जोखिममा परेका सुरक्षित स्थानमा गई बसेको प्रहरीले बताएको छ। रासस