तोसिमाको उम्मेदवारी बदर गर्न माग गर्दै निर्वाचन आयोग सर्वोच्चमा

209
VIEWS

 

ललितपुर जिल्ला क्षेत्र नं. ३ बाट प्रतिनिधिसभा सदस्य उम्मेदवार डा. तोसिमा कार्कीको उम्मेदवारी बदरको माग गर्दै निर्वाचन आयोग सर्वोच्च अदालत पुगेको छ।

सर्वोच्च अदालतबाट यही कात्तिक १५ गते तोसिमाको उम्मेदवारी कायम राख्न जारी भएको अन्तरिम आदेश बदर गर्न माग गर्दै आयोगले शुक्रबार सर्वोच्चमा निवेदन दिएको हो।

राष्ट्रिय स्वतन्त्र पार्टीकी उम्मेदवार डा. कार्की नेपाल मेडिकल काउन्सिलको सदस्यमा निर्वाचित भएर आर्थिक लाभको पदमा रहेको भन्दै आयोगले उम्मेदवारी खारेज गर्ने निर्णय गरेको थियो। आयोगले उम्मेदवारी खारेज गरिदिएपछि कार्की आयोगविरुद्ध सर्वोच्च पुगेकी थिइन्।

सर्वोच्चले आयोगको निर्णय कार्यान्वयन नगर्न मंगलबार अन्तरिम आदेश दिएको थियो।

न्यायाधीश कुमार चुडालको एकल इजलासले कार्कीको उम्मेदवारी कायम राखेर निर्वाचन प्रक्रिया अगाडि बढाउन आयोगलाई आदेश दिएको हो।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित