Khabar Samachar

राजसंस्थाको पक्षमा भएको प्रदर्शनलाई कमल थापाको समर्थन

204
VIEWS

राप्रपा नेपालका अध्यक्ष कमल थापाले आज भएको प्रदर्शन एवम् जनआवाजलाई अवमूल्यन नगर्न सरकारसँग आग्रह गरेका छन् । सामाजिक सञ्जालमार्फत अध्यक्ष थापाले सरकारसँग सो आग्रह गरेका हुन् ।उनले भनेका छन् : ‘संघीय गणतन्त्रको नाउँमा कायम भ्रष्ट व्यवस्थाको अन्त्य, राजसंस्था र हिन्दु राष्ट्रको स्थापना तथा संघीयताको खारेजीको माग राखेर आज राजधानी काठमाडौँमा भएको प्रदर्शन एवम् जनआवाजलाई अवमूल्यन नगर्न, उपेक्षा नगर्न र दमन नगर्न सरकारसँग आग्रह गर्दछु ।’उनले राजसंस्था र हिन्दुराष्ट्रको पक्षमा देखिएको जनलहरको उच्च सम्मान समेत गर्ने बताएका छन् । साथै जनताको आवाज र भावनाको सम्मान गर्दै सर्वपक्षीय सहमतिको आधारमा राजासहितको प्रजातन्त्र तथा सर्वधर्म समभाव र पूर्ण धार्मिक स्वतन्त्रतासहितको सनातन हिन्दुराष्ट्र स्थापना गर्ने पहलकदमी सुरु गर्न समेत अध्यक्ष थापाले सरकार र प्रमुख राजनीतिक दलहरुको ध्यानाकर्षण गराएका छन् ।उनले प्रदर्शनका क्रममा घाइते भएकाहरुको शीर्घ स्वास्थ्य लाभको कामना समेत गरेका छन् । त्यस्तै आगामी दिनमा सर्वसाधारणलाई कठिनाई नहुनेगरी प्रदर्शन सञ्चालन गर्न समेत आयोजकहरुसँग अनुरोध गरेका छन् ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित