हेटौंडा । मतगणनास्थलमा मादक पदार्थ सेवन गरी होहल्ला गरेपछि कांग्रेस मकवानपुरका जिल्ला सदस्य एवम् संगठन विभाग प्रमुख शैलेन्द्र बानियाँ पक्राउ परेका छन् ।

हेटौंडा उपमहानगरपालिकाको मतगणनास्थलमा मादक पदार्थ सेवन गरेर हल्ला गरेपछि उनलाई पक्राउ गरिएको हो । नेता बानियाँ अनाधिकृतरुपमा मतगणनास्थलमा प्रवेश गरी हो–हल्ला गरेपछि पक्राउ गरिएको प्रहरीको भनाइ छ ।

‘मापसे गरी अनाधिकृतरुपमा मतगणना स्थलमा पुगेर होहल्ला गरेपछि हामीले पक्राउ गर्‍यौं’ मकवानपुरका प्रहरी उपरीक्षक सुरेन्द्र गुरुङले भने ।बानियाँ अहिले थुनामा छन् । उनीविरुद्ध मद्धा चल्नसक्ने एसपी गुरुङले जानकारी दिए ।