Khabar Samachar

टेकु ट्रान्सफर स्टेसनको फोहोर लैजान ट्रिपर व्यवसायीको सहयोग

213
VIEWS

काठमाडौंको टेकुस्थित फोहोर ट्रान्स्फर स्टेसनमा थुप्रिएको फोहोर बञ्चरेडाँडामा लैजाने काम सुरु भएको छ । हप्तौंदेखि थुपि्रएको फोहोर ल्यान्डफिल साइटमा लैजान नेपाल ट्रिपर तथा ट्रक व्यवसायी समितिले सहयोग गरेको छ ।

महानगरपालिकाका अनुसार विहान नेपाल टि्रपर तथा ट्रक व्यवसायी समितिका १८ वटा, समानान्तर निर्माण सेवाका ३० वटा महानगरका १२ वटा गरी ६० वटा ट्रीपरले ट्रान्सफर स्टेसनबाट फोहोर ढुवानी गरेका छन् । थुप्रिएको फोहोर लैजान थालेपछि टेकुमा स्थानीयबासी खुशी भएका छन् ।

समितिले उपलब्ध गराएका ट्रिपरलाई महानगरले हरेक टि्रपका लागि २३ लिटर डिजेल र श्रमिकलाई एक दिनको १ हजार रुपैयाँ पारिश्रमिक उपलब्ध गराउनेछ ।

फोहोर व्यवस्थापनका लागि अवरोध गर्ने सृङ्खलामा सहयोग गर्न आएका सहयोगीप्रति आभार प्रकट गर्दै महानगरका प्रमुख बालेन्द्र शाह (बालेन)ले फोहोर व्यवस्थापन कार्यलाई वातावरण र जनस्वास्थ्यमैत्री बनाउने प्रयासमा जोड दिएको बताए ।

‘लामो समयसम्मको अवरोधका कारण थुप्रिएको फोहोर उठाउनु पर्ने पहिलो दायित्व भएकोले योजना कार्यान्वयनमा केही समस्या भएको छ । तर, लक्ष्यमा म अडिग छु,’ प्रमुख साहले भने ।

ट्रान्सफर स्टेसनको फोहोर ढुवानी थालिएपछि पीडित संघर्ष समितिका संयोजक चन्द्रमान महर्जनले खुशी व्यक्त गर्दै प्रमुख शाहलाई धन्यवाद दिए । ‘हामी आजको दिनको प्रतिक्षामा थियौं,’ उनले भने ।

मालवाहक ट्रिपर व्यवसायीले सामाजिक जिम्मेवारी पूरा गर्ने क्रममा फोहोर ढुवानीमा सहयोग गर्ने निर्णय गरेका व्यवसायीको भनाइ छ ।

महानगरपालिकाले ट्रिपर भाडामै लिएर बञ्चरेडाँडामा फोहोर पठाइरहेको छ । तर, स्थानीयले निरन्तर अवरोध गरेकाले समस्या भएको महानगरपालिकाले जनाएको छ ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित