काठमाडौं महानगरपालिकाले शनिबार पनि अवैध संरचना भत्काउनेक्रम जारी राखेको छ। महानगरले नक्सा पास नगरी बनाएका संरचनाहरुमा डोजर लगाउनेक्रम शनिबार बनस्थलीस्थित ढुङ्गेधाराबाट शुरु गरेको छ।

महानगर प्रहरी प्रमुख राजु पाण्डेका अनुसार सार्वजनिक जग्गामा रहेको, स्वीकृत नलिई बनाइएको घर टहरा आज बिहानबाट भत्काउन सुरु गरिएको हो ।

महानगर प्रहरी, नेपाल प्रहरीसहितको टोली वनस्थली चोकमा रहेका छ्न् । केही स्थानीयले विरोध गरे पनि डोजर लगाउन सुरु भएको पाण्डेले बताए।

महानगरपालिकाका अनुसार वनस्थलीबाट ढुङ्गेधारा जाने बाटोमा रहएको अनधिकृत ७ वटा टहरा भत्काइएको छ । यस्तै सडकबाट नै घरमा राखेको ३ वटा भर्‍याङ, एउटा घरको बलेसी भत्काएको महानगर प्रहरीले जानकारी दिएको छ ।

अनधिकृत घर टहरा भत्काउने कार्य शनिबारलाई स्थगित भएको छ । पुन: आइतबारदेखिय अभियानले निरन्तर पाउने महानगरपालिकाले बताएको छ ।

मेयर बालेन्द्र शाह डोजर लिएर आज बालाजु वनस्थली क्षेत्र पुगेका छन्।