पोखरा स्थित लेकसाइडको सेलवेज टावरमा आगलागी भएको छ । लेकसाइड हल्लनचोकमा रहेको सेलवेज टावरका अन्डरग्राउण्डमा विद्युत सर्ट भइ आगलागी हुँदा त्यहाँ भएका पसल तथा रेष्टुरेन्टमा क्षति पुगेको जिल्ला प्रहरी कार्यालय कास्कीले जनाएको छ । जिल्ला प्रहरी कार्यालयका हरि पौडेलका अनुसार करिब आधा घण्टा अगाडिदेखि आगलागी भएको हो ।
आगलागी नियन्त्रण गर्न पोखरा महानगरपालिकादेखि अन्तर्राष्ट्रिय विमानस्थलसम्मका दमकल प्रयोग गरिएको छ।
उक्त सपिङ सेन्टरभित्र रेष्टुरेण्टदेखि विभिन्न पसल, एटिएम बुथ, हिमालय जाभाको कफी पसल लगायतका व्यवसाय संचालनमा छ।
आगो नियन्त्रणमा लिन प्रहरी र स्थानीय लागिपरेका छन्।
आगलागी नियन्त्रणमा लिइरहेका दमकल चालक रामजी केसीका अनुसार आगलागी नियन्त्रण नजिक छ । ‘आधा घन्टा भयो । अब आगलागी नियन्त्रण लिँदैछौं ।’ स्रोतका अनुसार बिजुली सर्ट भएपछि आगलागी भएको हो । उक्त भवनमा हिमालयन जाभा, नबिल बैंकको शाखा लगायत पनि रहेका छन्।
क्षतिको विवरण करोडभन्दा माथि नै आउने प्रारम्भिक अनुमान गरिएको छ ।
Discussion about this post