काठमाडौं महानगरपालिकाले अखाद्य मिठाइ बेच्ने मिठाइ पसल टिपटपलाई २ लाख रुपैयाँ जरिवाना तिराएको छ।

काठमाडौँ नगर प्रहरी प्रमुख राजुनाथ पाण्डेका अनुसार महानगरपालिका-१६ ठँहितिस्थित टिपटप मिठाइ पसललाई अखाद्य मिठाइ बेचेकाले २ लाख रुपैयाँ जरिवाना गराइएको जानकारी दिए।

आइतबार टिपटपमा किनेको मिठाइ खान अयोग्य भएको गुनासो एक ग्राहकले गरेपछि जाँच गर्दा खान अयोग्य मिठाइ भेटिएकाले २ लाख रुपैयाँ जरिवाना गराइएको उनले बताए।

महानगरले अखाद्य मिठाइ नबेच्न तथा सरसफाइमा ध्यान दिन पनि टिपटपलाई सचेत गराएको छ।

काठमाडौँमा कतिपय मिठाइ पसलहरुमा सरसफाइ नहुने गुनासो ग्राहकहरुले गर्ने गरेका छन्।