यस वर्ष दशैंका लागि असोज ४ गतेबाट राष्ट्र बैंकले सर्वसाधारणलाई नयाँ नोट वितरण गर्ने भएको छ। राष्ट्र बैंकका प्रवक्ता देवकुमार ढकालले बैंक तथा वित्तीय संस्थाहरुलाई भने नयाँ नोट दिन थालिसकेको जानकारी दिएका छन् । राष्ट्र बैंकले आफ्नो काउन्टरबाट असोज ४ गतेदेखि नयाँ नोटको वितरण गर्ने जनाएको छ। अन्य बैंकलाई हाल पनि राष्ट्र बैंकबाट नयाँ नोट वितरण गरिरहेको ढकालले जानकारी दिए । ‘अन्य बैंकको माग अनुसार नयाँ नोट वितरण गर्दै जाने छौं’ ढकालले बताए ।  राष्ट्र बैंकले प्रत्येक दशैंमा नयाँ नोट वितरण गर्दै आएको छ । गत बर्ष भने कोभिड-१९ का कारण नयाँ नोट वितरण भएको थिएन । सर्वसाधारणले ५, १०, २०, ५० र १ सय अंकित दरका नयाँ नोट सटही गर्न पाउने छन्। ती नोटको १/१ बण्डलसम्म सर्वसाधारणले पाउने छन्। राष्ट्र बैंकको प्रधान कार्यालय बालुवाटार तथा क्षेत्रीय कार्यालयहरुबाट सर्वसाधारणले नयाँ नोट पाउने छन्। साथै सरकारी स्वामित्वका राष्ट्रिय वाणिज्य बैंक, कृषि विकास र नेपाल बैंकका निश्चित शाखाबाट पनि नोट वितरण गर्ने तयारी गरिएको छ।

              एक व्यक्तिले राष्ट्र बैंकबाट १८ हजार ५ सय रुपैयाँसम्म नयाँ नोट पाउने प्रवक्ता ढकालले बताए।

 

प्रतिक्रिया

सम्बन्धित खवर

ताजा समाचार

लोकप्रिय