Khabar Samachar

इजराइल र हमासबीच बन्दी छुटाउन सहमति, पहिलो चरणमा ५० जना छुट्ने

211
VIEWS

अन्तर्राष्ट्रिय समुदायको लगातारको दवाब र प्रयत्नपछि इजराइल र हमास गजामा बन्दी बनाइएका ५० भन्दा बढी महिला र बालबालिकालाई पहिलो चरणमा मुक्त गर्न सहमत भएका छन्।

अन्तराष्ट्रिय समाचार संस्थाहरुका अनुसार इजराइल र हमासबीचको सो सहमतिलाई इसराइली सरकारले अनुमोदन गरेको छ। यो अनुमोदनसँगै बन्दीहरु मुक्त हुने प्रक्रिया चाँडै सुरू हुनेछ।

सहमतिअनुसार हमासले यी बन्दीहरु मुक्त गरेवापत इसराइलले गजामा भैरहेको हवाई तथा अन्य सैन्य आक्रमण चार दिनलाई स्थगित गर्नेछ।

अक्टोबर ७ (असोज २० गते) मा हमासले इजराइल मा आक्रमण गरी त्यहाँबाट२६ विदेशी मुलुकका नागरिक र इसराइली नगारिक गरी २३९ जनालाई बन्दी बनाएर गजा लगेको थियो।

अरु बन्दीहरु कहिले छाडिने भन्ने प्रष्ट नभएपनि पहिलो चरणका ५० बन्दी मुक्त भएपछि इसराइलले प्रत्येक एक दिन युद्दविराम लम्ब्याएवापत हमासले १० जना बन्दी छाड्ने सहमति भएको समाचार संस्था रोयटर्सले उल्लेख गरेको छ।

हमासले सबै २३९ बन्दी मुक्त गरेवापत इसराइलले पनि आफ्नो हिरासतमा रहेका १५० जना प्यालेस्टिनियन नागरिकहरुलाई मुक्त गर्ने सहमति भएको जनाइएको छ। तर सो सहमतिबारे इसराइल सरकारले केही भनेको छैन।

हमासले बन्दी बनाएका आफन्तजनहरु चाँडै फर्केर आउने अपेक्षामा इसराइल र संसारका विभिन्न मुलुकमा परिवारहरु व्यग्र प्रतिक्षामा छन्। यी बन्दीहरु छुटाउन अमेरिका सहित हमाससँग राम्रो सम्वन्ध भएको कतारले पनि महत्वपुर्ण भूमिका खेलेका थिए।

इसराइलका प्रधानमन्त्री बेन्यामिन नेतन्याहुले यसलाई हमास-इसराइल युद्ध अन्त्य भएको नठान्न भनेका छन्। ‘हामी युद्धमै छौं। हाम्रो उद्धेश्य पूरा नभएसम्म युद्ध जारी रहन्छ,’ उनको भनाइ उद्धृत गर्दै रोयटर्सले उल्लेख गरेको छ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित