समानुपातिक तर्फ उम्मेदवारको बन्द सूची लिएर नेपाली कांग्रेसका नेताहरू निर्वाचन आयोगको कार्यालय पुगेका छन्।

महामन्त्री विश्वप्रकाश शर्मा, सहमहामन्त्री भिष्मराज आङ्देम्बे, महेन्द्र यादव र डिना उपाध्याय कान्तिपथस्थित आयोग कार्यालयमा केहिबेर अघि पुगेका हुन्।

प्रतिनिधि सभातर्फको ११० र प्रदेशसभा तर्फको २२० समानुपातिक उम्मेदवारको सूची आजै बसेको कार्यसम्पादन समितिले तयार पारेको हो।

आगामी मंसिर ४ गते हुने प्रतिनिधि सभा र प्रदेश सभा निर्वाचनका लागि समानुपातिक बन्द सूची बुझाउने आज अन्तिम दिन हो।